Alcordances... Alquimista

Alcordances: La nueche de San Xuan en Asturies

Cuando yera guaje, lo primordial d’eses fiestes yera sobretodo xuntase un garapiellu de xente, d’amigos, de collacios, homes y muyeres, y díbemos todos a fiestes de prau, verbenes, onde la mayor parte de les veces había alguna orquesta, que tocaba una verbena. Principalmente, comprábamos varies caxes de sidra, compartíemos ahí echando culinos, echando unes rises, echando un pitu, bailando… Pero sobre todo, lo más especial d’eses fiestes, de lo que yo me alcuerdo, yera la foguera. A eso de les doce de la nueche, prendíase la foguera, que nun yera tan espectacular como otres que se ven pe’la parte d’Alicante. Ehí nun facíamos figura nenguna. Lo que facíamos yera xuntar maera suficiente, prende-y fueu, prendela, y lo que facía la xente yera danzar, danzar al rodiu de la foguera, y lo primoridal d’esa foguera, de lo que yo recuerdo, amás del baile y de los cancios que facía la xente, yera también que había una figura que se-y ponía encima, enriba de la foguera. Esa figura llamábamosla “el pelele”, que nun yera más que xuntar papel y otres coses – cartón, … - y enllenábamos un mono de trabayu, d’esos que usen xente que trabaya en talleres de mecánica, xeneralmente son azules, y entós llenábamoslu d’eso, de papel, de cartón, y eso yera como el estandarte que taba enriba de la foguera. Eso se suponía que representaba d’alguna manera tolo vieyo, tolo malo, que yera una manera de quemalo, y pasar páxina. Entós, entre la foguera, los bailes y la sidra, aquello yera una folixa del carajo. Prestaba aquello con locura. Y esa ye la mi experiencia, de lo que yo me alcuerdo, de les fiestes de San Xuan en Asturies. Un abrazu